Alugbati - maganda sa buni at tagihawat

Ang Alugbati ay marami din na problema o sakit na pwedeng gamiting panlunas.

Ang malapot na dagta ng dahon nito ay nakatutulong sa pagpapagaling ng buni. Samantalang ang pinaglagaan ng dahon ng alugbati ay mainam para sa may altapresyon. 

Ang dagta nito, maliban sa buni ay pwede ding ipahid sa tagihawat upang mawala ito.

Ang mga ito ay di pa aprubado ng DOH at kulang po o di sapat ang pag-aaral.

TAWA-TAWA magaling para sa Dengue

Ang Tawa-Tawa ay nakatutulong mapataas ang platelet count ng dugo, ngunit sa mga daga ito ineksperimento. Kahit wala pang kongkretong ebidensya na gayundin ang epekto nito sa mga tao, marami ng gumagamit nito para makarecover sa sakit na Dengue.

Hindi inirerekomenda ng DOH ang paginom ng Tawa-Tawa tea dahil may taglay din daw itong lason na pwedeng makasama sa katawan ng tao. Kailangan daw ng masusing pag-aaral dito.

Sa kabila nito, patuloy ang pagsikat ng Tawa-Tawa at parami ng parami ang umiinom nito.

Drink at your own risk ika nga. Nasa inyo ang pagpapasya kung gagamitin nyo ito.

Laging tandaan na kailangan ng regular na pagkonsulta sa Doktor lalo na at may sakit o karamdaman. Ang herbal ay mainam ngunit marami pang kulang sa masusing pag-aaral.

GUMAMELA - Nakapagpapababa ng Blood Sugar, nakatutulong sa may UTI at Impeksyon sa Bato

Nakamamangha pala ang Gumamela, na ginagawa lamang nating laruan noon, mayroon itong Anti-bacterial, Anti-fungal at Anti-inflammatory properties. Ang Gumamela tea (petals and flowers) ay nakapagpapababa ng Blood Sugar kaya mainam inumin ng mga taong Diabetic. Nakatutulong din ito sa may Urinary Tract Infection, Impeksyon sa Bato at sa Masakit ang Tiyan.

Nakapagpapakalma din ng Digestive system natin ang Gumamela Tea, nakatutulong ito sa Constipated maging sa may Diarrhea.

Pwede ding gamiting panggamot sa sakit sa balat, pati sa may pigsa ang gumamela. Dikdikin lang ang dahon (at bulaklak) at itapal sa balat na makati, may sugat o namamaga. Hayaan sa loob ng isang oras.

Laging tandaan na ang pagkonsulta sa Doktor ay kinakailangan. Ang mga halamang gamot ay nakatutulong ngunit may mga sakit na kailangan ng propesyunal na opinion ng mga dalubhasa.

Dahon ng Mangga - Mainam sa Diabetes at Varicose Veins

Ang Dahon ng Mangga ay sinasabing mabisa sa may diabetes. Kailangan lamang itong gamitin ng 2 to 3 buwan para makita ang resulta. Mainam din ito sa pagpapalakas ng ating blood vessel (ugat) kaya naiiwasan ang pagkakaroon ng Varicose Veins.

Paano Gamitin:

Maglaga ng 15 dahon ng mangga sa isang litrong tubig sa loob ng 10 minuto. Pabayaang nakababad overnight sa pinagpakuluan. Ito ang gawing inumin kinabukasan. Gawin ito sa loob ng 2 hanggang 3 buwan upang makita ang resulta.

Laging tandaan na ang pagkonsulta sa Doktor ay kinakailangan. Ang mga halamang gamot ay nakatutulong ngunit may mga sakit na kailangan ng propesyunal na opinion ng mga dalubhasa.

Camachile - mainam sa lagnat, sakit ng ngipin at hindi natunawan

Ang Camachile ay maraming lunas na pwedeng ibigay.

Di Natunawan - pakuluan ang ilang piraso ng dahon sa 1 basong tubig sa loob ng 5 minuto, lagyan ng 1 kurot ng asin at muling pakuluan ng 5 minuto. Salain at inumin para umigi ang katawan.

Disinteriya - ilagay ang balat ng puno (bark) sa 1 basong kumukulong tubig, hayaang kumulo sa loob ng 10 minuto. Salain at inumin.

Sakit ng Ngipin - magpakulo ng 1 tasa ng dahon sa 1/2 litro ng tubig sa loob ng 5 minuto. Salain at ito ang gamiting pangmumog.

Lagnat - uminom ng 1 baso ng pinaglagaan ng balat ng puno (bark) para mabawasan ang lagnat.

Laging tandaan na ang pagkonsulta sa Doktor ay kinakailangan. Ang mga halamang gamot ay nakatutulong ngunit may mga sakit na kailangan ng propesyunal na opinion ng mga dalubhasa.

Sibuyas - Lunas sa Ubo, Sipon at Lagnat

Ang Sibuyas ay isa palang magandang panglunas sa Ubo, Sipon at Lagnat dahil ito ay may taglay na antibiotic at antioxidant. May kakayahan din itong magdetoxify.

Ang kailangang gawin para sa may Lagnat:

• Balatan at hiwain ang sibuyas, ilagay ito sa loob ng medyas at isuot sa paa.

Ang kailangang gawin para sa may Sore Throat, Ubo at Sipon:

• Pakuluan ang sibuyas at gawing parang tsaa. Pwede din pong kainin ang sibuyas.

Laging tandaan na ang pagkonsulta sa Doktor ay kinakailangan. Ang mga halamang gamot ay nakatutulong ngunit may mga sakit na kailangan ng propesyunal na opinyon ng mga dalubhasa.

Pandan - mainam sa sakit ng ulo, hirap sa pag-ihi at pigsa

Ang Pandan ay may mga kemikal at sustansya na may magandang benepisyong maibibigay sa katawan.

May taglay itong essential oil, alkaloids, tannin, glycosides at marami pang iba.

Nakapagbibigay lunas ang pandan sa mga sumusunod:
1. Hirap sa pag-ihi. Inumin lang ang pinaglagaan ng ugat ng pandan, gawing tsaa.

2. Sakit ng ulo. Ilaga ang dahon ng pandan at inumin.

3. Sugat. Itapal ang dinikdik o pinigang dahon ng pandan sa sugat upang mabilis itong maghilom/

4. Rayuma. Inumin ang pinaglagaan ng ugat ng pandan.

5. Pigsa. Dikdikin ang dahon, haluan ng katas ng kalamasi at kauning asin. Itapal sa Pigsa.

6. Pagsusuka. Ang tuloy-tuloy na pagsusuka ay maaaring gamutin ng pag-inom sa pinaglagaan ng pandan.

7. Pananakit ng tenga. Patakan ng katas ng bulaklak ng pandan ang tenga.

Laging tandaan na ang pagkonsulta sa Doktor ay kinakailangan. Ang mga halamang gamot ay nakatutulong ngunit may mga sakit na kailangan ng propesyunal na opinion ng mga dalubhasa.